A finalidade desta disciplina é axudarnos a manternos sans, atopar a felicidade tanto a nivel físico coma mental e espiritual e que nos poidamos sentir realizados.
Traballa o corpo físico, as glándulas endocrinas, os órganos internos á vez que busca contactar a mente inconsciente coa consciente e nos permite observar nosos patróns mentais.
Unha clase de ioga é unha sucesión de exercicios. Para realizar un, adoptamos unha postura. Ás veces a esta postura incorporámoslle movemento. Regulamos a respiración e poñemos a atención dos ollos nun punto determinado. E entramos nun estado meditativo, de introspección. A veces incluso repetimos un mantra ou facemos un xesto coas mans. Con tantas cousas que hai que controlar como non vai a parar a nosa mente! Despois dun exercicio hai unha corta relaxación e seguidamente se pasa ao seguinte.
Co ioga estiramos o noso corpo e, cando máis tenso e ríxido está un, é cando mais conveniente é. Rexuvenece nosas células ao aportarnos máis oxíxeno. Tamén rexuvenece noso cerebro facendo que o seu rendemento sexa máis alto. Reduce o estres ao manter os niveis de cortisol a raia. Nos calma e serena, permitíndonos descansar. Dános enerxía e vitalidade. Achéganos ao noso ser interno, descubrindo quen somos, que seremos e onde están as nosas limitacións.
Calquera persoa pode aproximarse ao Ioga, xa que posúe un tipo especial de técnica para cada tipo de personalidade e temperamento.
De pouco sirve explicar os beneficios do Ioga, descubre por ti mesmo que se sinte ao practicalo.
Comentarios:
Actividade con preinscrición
Prezo: adultos 51€, Sénior 43€/trimestre
Horario: martes e xoves de 09.00-10.00h
Lugar: Sala de usos múltiples