Moderno edificio deseñado polos arquitectos John Hejduk, Antonio Sanmartín e Elena Cánovas. Inaugurado en maio do ano 2003, estructúrase en tres andares, un soto e unha terraza. Ten 675,2 metros cadrados de superficie.
Instalacións
No mesmo barrio de San Pedro, o Concello de Santiago ten outro espazo sociocultural, na rúa das Fraguas 37, onde desenvolven as súas actividades habituais entidades como a asociación de veciños A Xuntanza e outras que así o soliciten.
Persoal
O centro está dirixido por un técnico municipal e no equipo de dinamización hai dous animadores socioculturais, unha auxiliar administrativa e dous uxieres. Ademais colaboran no equipamento dinamizadores voluntarios encargados de apoiar os traballos directos coa infancia, mocidade e terceira idade.
Servizos
Ofrece información sobre actividades municipais e programa sociocultural do centro, atención individualizada do departamento de servizos sociais, lugares para o encontro (xogos de mesa, lectura individualizada de prensa e revistas), unha aula de xogo infantil, espazos para xente maior e xente nova cun servizo de mediación sociocultural para usuarios entre os 15 e os 35 anos e información básica en temas de interese xuvenil (cultura, ocio, saúde, música). Hai tamén espazos para exposicións de pequeno formato, para xuntanzas e actividades solicitadas por entidades de iniciativa social e actividades mensuais de ocio e formación como saídas, talleres, charlas, exposicións. Pódese consultar internet previa petición. A terraza utilízase para acoller actividades como exhibicións de danza, tertulias literarias e talleres fotográficos, entre outras.
Recursos
O centro dispón de televisión, dvd, canón de proxección, pantalla e cadea de música.
Espazos
Espazo de encontro e senior
Horario: Sábados pola tarde (excepto o último de mes)
Aula de xogo infantil
Horario: De martes a sábado de 18:00 a 20:00 h Servizos: Obradoiros da aula de xogo para nenos/as de 4 a 10 anos. Consultar programación específica.
Punto informático
Servizos: Punto informático con acceso a internet para consultas en horario de apertura do centro.
Monográficos de iniciación a informática.
