A Asociación cultural A Ruliña creouse en marzo de 2000. É unha asociación cultural sen ánimo de lucro que desenvolve un amplo número de actividades: teatro, baile galego, pandeireta e coral.
As actividades realízanse durante todo o ano. Algunhas interrómpense no mes de agosto, se os socios o solicitan. O prezo actividades é de 6 € para teatro e de 10 € para as actividades restantes.
Ademais realizan outro tipo de actividades como excursións para maiores, festa das Letras galegas, festa de verán para maiores, Nadal ou Entroido. Comezan a preparar a festa do Entroido no mes de setembro, saen en comparsa e con carrozas.